Unn gleisch gehts schunn mimm Recht-Schreiwe los.
Fer die Rechtschreibreform braucht mer e Rechtschreibreformhaus! -
Gibts iwwerhaubt noch Reformhäuser?-
Sunnsch geht das nett.Do kennen mer noch lang disgudiere, solang mer net geglährt hunn wass die iwwerhaubt wolle!
Se ercht emohl die Mudderschbrach abnemme unn domit halt die Möglichkeit ze Denge.
Mer dengkt nähmlich inn seiner Schbraach.
Unn eh die net wisse wolle, warum de Turm von Pisa schief iss, brauche mer erscht gar net mit dene ze rede.
Unn erschd gar net no dehne ehre Regele ze schreiwe .
Denke iss fer die e Fremdwort, desswege missense halt regele!
Unn deswege gibts fer die Regele aach widder Regele.
Das geht dann soweit, biss die Kinner als Regel uff die Welt kummen.
Unn die Regel, die denkt sich dann widder ohner aus, der sunsch nix ze duhe hot.
Vielleicht werd mer schbäter dann aach emohl umgeregelt.
Awwer bis dort hie versuche mer halt ungeregelt ze bleiwe.